Tuesday, March 26, 2013

ಎಲ್ಲಾ ನೋಟಗಳಾಚೆಗೊಂದು ಚಿತ್ರವಿದೆ ....!!!!



 
  "ಬದುಕು ಅನ್ನೋ ಕಾಮನಬಿಲ್ಲು ಪೂರ್ಣ ಆಗೋದಿಕ್ಕೆ ಎಲ್ಲಾ ಬಣ್ಣ ಬೇಕು .... ಅದೇ ರೀತಿ ಎಲ್ಲಾ ಬಣ್ಣಗಳಾ ಜೊತೆ ನನ್ನ ಒಡನಾಟ ಶುರುವಾಯಿತು... ಕೆಲವು ಬಣ್ಣಗಳ ಹಿಂದೆ ನಾನು ಓಡಿದರೆ ಕೆಲ ಬಣ್ಣಗಳು ನನ್ನ ಓಡಿಸಿದವು .... ನನಗೆ ನನ್ನ ಕಾಮನಬಿಲ್ಲು ಮುಖ್ಯ ಆಗಿತ್ತು ... ಈ ನನ್ನ ಬದುಕಿನ ಇಳಿಸಂಜೆಯಲಿ  ಒಮ್ಮೆ ತಿರುಗಿ ನೋಡಿದರೆ ಎಷ್ಟೋ ಬಣ್ಣಗಳನ್ನ ಬಿಟ್ಟು ಬಂದಿದೀನಿ ಅನಿಸುತ್ತಾ  ಇದೆ ನಂದಿನಿ... ಈಗ ನನ್ನ ಕಾಮನಬಿಲ್ಲು ಪೂರ್ಣ ಆಗಲು ಒಂದೇ ಒಂದು ಬಣ್ಣ ಬೆಕು.."ನೆಮ್ಮದಿ" !!!
ಅದಿಲ್ಲದೇ ನನ್ನ   ಕಾಮನಬಿಲ್ಲು ಅಪೂರ್ಣ .......!!!"

ಇವರ ಮಾತನ್ನು ಕೇಳಿ ನನಗಂತೂ ಆಶ್ಚರ್ಯ !!!! ಏನೇನಿಲ್ಲ,ಏನೇನು ಸಾಧಿಸಿಲ್ಲ,ಎಲ್ಲವು ಇದೆ. ಆದ್ರೆ ಇವರು ಮಾತ್ರ ನೆಮ್ಮದಿ ಇಲ್ಲ ಅಂತಾರಲ್ಲ ... !!!

"ಅಲ್ಲಾ  ಮನುಷ್ಯನಿಗೆ ಎಲ್ಲ ಇದ್ದು ಏನು ಇಲ್ಲ ಅಂತ ಅನಿಸುವುದು/ಕಾಡುವುದು  ಬಹುಷ್ಃ  ಬದುಕಿನ ಇಳಿಸಂಜೆಯಲಿ" ಈ  ಎಲ್ಲ ಯೋಚನೆಗಳಿಂದ ಹೊರಬಂದು ಕೇಳಿದ್ದು "ಯಾಕೆ ,ಏನಾಯ್ತು ಅಂಕಲ್ ?"

"ನನ್ನ ಅಮ್ಮ ಅಪ್ಪಂಗೆ ಅವರ ಇಳಿ ವಯಸ್ಸಿನ್ನಲ್ಲಿ ನನ್ನ ಅವಶ್ಯಕತೆ ತುಂಬಾ ಇತ್ತು  ನಂದಿನಿ..ಆದರೆ ನಾನು ಮಾತ್ರ ಅಂದಿನ ನನ್ನ  ನಾಳೆಗಳಿಗೆ  ಬಣ್ಣ ತುಂಬುವ .... ನನ್ನ ಕಾಮನಬಿಲ್ಲಿನ  ಪೂರ್ಣತೆಗೆ ಗಮನ ಹರಿಸಿದ್ದೆ ..... ಎಂದೂ ಎಣಿಸಿರಲಿಲ್ಲ ಈ "ಕರ್ತವ್ಯ " ಎಂಬ  ಬಣ್ಣ ಇಷ್ಟೊಂದು ಕಾಡುತ್ತದೆ ಎಂದು ... ಈಗ ನನ್ನ ಕಾಮನಬಿಲ್ಲು ಎಂದು ಪೂರ್ಣವಾಗಲು ಸಾಧ್ಯವಾಗದ ಬಣ್ಣಕ್ಕಾಗಿ ಕಾಯುತ್ತಿದೆ ...... :( ಮನುಷ್ಯ  ತನ್ನ  ದ್ರಷ್ಟಿಗೆ/ನೇರಕ್ಕೆ ನಿಲುಕಿದ್ದನ್ನೆ ನೋಡುವುದು ಮತ್ತು ಮಾಡುವುದು .. 
ಎಲ್ಲಾ ನೋಟಗಳಾಚೆಗೊಂದು ಚಿತ್ರವಿದೆ ನಂದಿನಿ..!!! ನೋಡುವವರ ದ್ರಷ್ಟಿಗೆ ನಿಲುಕಿದ್ದು ....... !!!!!!"


*******************************